Kind, Frau, Hund
– Ein Alltag

In da Früha geh i mitm Hund, hot des Kind g‘sogt, und dann geh i zur Schui. Und wenn i aus der Schui kimm, geh i wieder mitm Hund und dann geh i wieder zur Schui. Dann kimm i Hoam, sogt mei Muada Hallo, ess mit ihr Aufnacht und dann geht de mitm Hund und i geh schloffa. In da Früha geh i dann wieder mitm Hund.

In da Früha geh i zur Arbat, hot de Frau g‘sogt, und wenn i aufnacht von der Arbat kinn, sog i meim Kind Hallo, wir essen Aufnacht und dann geh i mitm Hund und dann geh i schloffa. In der Früha geh i dann wieder zur Arbat.

In der Früha geh i mitm Kind, hot der Hund g‘sogt, und dann schlof i. Und mittog geh i wieder mitm Kind und dann schlof i. Und aufnacht geh i mit da Frau und dann schlof i wieder. I mechat gern amoi alloi geh.