Kind, Frau, Hund
Jedn Dog

In da Fria geh i min Hund, hod des Kind gsogd, und daun geh i in d’Schui. Und waun i aus da Schui kim geh i wieda min Hund und daun geh i wieda in d’Schui. Daun kim i hoam, sog meina Mama Hallo, iß mid ia a Jausn und daun gehd de min Hund und i geh schloffa. In da Fria geh i daun wieda min Hund.

In da Fria geh i in d’Oawad, hod de Frau gsogd, und waun i daun auf d’Nocht voan Feansea kim, sogd mei Kind Hallo, wir dan jausna und daun geh i min Hund und daun geh i schloffa. In da Fria geh i daun wieda in d’Oawad.

In da Fria geh i min Kind, sogd da Hund, und daun schlof i. Und z’midog geh i wieda min Kind und daun schlof i. Und auf d’Nocht geh i mid da Frau und daun schlof i wieda. I darad gern amoi aloua geh.