Kind, Frau, Hund
A Oidog

In da Fruah geh i midn Hund, hod des Kind gsogd, und daunn geh i ind Schui. Und waunn i vo da Schui kumm, geh i wieda midn Hund und daunn geh i wieda ind Schui. Daunn kumm i ham, sog Serwas zu meina Mama, iss mid ihr Nochdmoi und daunn gehd sie midn Hund und i geh schlofn. In da Fruah geh i daunn wieda midn Hund.

In da Fruah geh i ind Orwad, hod die Frau gsogd, und waunn i aufd Nochd von da Orwad kumm, sog i mein Kind Serwas, mia essn Nochdmoi und daunn geh i midn Hund und daunn geh i schlofn. In da Fruah geh i wieda ind Orwad.

In da Fruah geh i midn Kind, hod da Hund gsogd, und daunn schlof i. Und Zmidog geh i wieda midn Kind und daunn schlof i. Und aufd Nochd geh i mid da Frau und daunn schlof i wieda. I däd gern amoi allanich geh.