Chind, Frau, Hund
E Alltag

Am Morge gang i mitm Hund, sait das Chind, und den gang i in d'Schuel, und wen i us dr Schuel chum gang i widr mitm Hund und den gang i widr in d'Schuel, den chum i Hei, sag minerer Mueter soli, den ässi mit ihre Z'nacht und den got si mitm Hund und i gang go schlofe. Am Morge gang i den wider mitm Hund.

Am Morge gang i go schaffe, sait d'Frau und wen i zobe vom schaffe chum sag i mim Chind soli, mir ässe Z'nacht und den gang i mitm Hund und den gangi go schlofe. Am Morge gang i den widr go schaffe.

Am Morge gang i mit em Chind sait dr Hund und den schlofi und z'mitag gang i widr mitm Chind und den schlof i. Und z'obe gang i mit dr Frau und den schlof i widr. I wär garn emol elei gange.