S‘ Gleene, di Muddi un dor Hund
E gans normaler Doach

Frühs gehisch midm Hund, sachde s‘Gleene, un nacher gehisch in de Schule. Unn wennsch aus dor Schule gomme, gehisch nochma midm Hund undann gehisch wiedor in de Schule. Dann gummsch heem, sache meinor Mudder Hallou, mir dun Ambrod essn undann gehd die midm Hund un isch geh ins Bedde. Frühs gehisch dann wiedor midm Hund.

Früh gehisch zor Oarbeid, sachde di Muddi, un wennsch Omds von dor Oarbeid gomme, sachsch meim Gleenen Hallo, mir essn Oambrod undann gehisch midm Hund undann gehisch schloafn. Früh gehisch dann wiedor zor Oarbeid.

Frühs gehisch midm Gleenen, sachde dor Hund, undann ratzsch a bissel. Unn middoachs gehisch nochema midm Gleenen undann ratzsch nor ne Runde. Unn Oams gehisch midm Frauchn undann du isch wiedor pennn. Isch wörde gerne ma alleene geen.