Kiend, Fraa, Huund
Öllidåch

Früäs geä i midm Huund naus, seicht es Kiend, un dann geä i nei die Schuäl, un wenn i vo der Schuäl hemm kumm, dann geä i widder midm Huund naus und dann geä i widder nei die Schuäl. Wenn i hemm kumm såch i Hallo zu meiner Modder, dann måche mer Brodzeid un dann geät diä midm Huund naus, un i leich mi nei mein Bedd. Früäs geä i dann widder midm Huund naus.

Früäs geä i zun Schåffe, seicht die Fraa, un wenn i uff de Nåchd hemm kumm vom Schåffe, såch i zu mein Kiend Hallo, dann måche mer Brodzeid, un dann geä i midm Huund naus un dann leich i mi nei mein Bedd. Früäs geä i dann widder zun Schåffe.

Früäs geä i midm Kiend naus, seicht dä Huund, un dann leich i mi noo un schlåff, unner middach geä i widder midm Kiend naus, un dann leich i mi widder onnie, uff die nåcht geä i mit der Fraa naus, un dann leich i mi widder noo und schlåff e weng. I däd a gaare mål ällee naus geä.